كرسي الاعتراف مع RooRy

اهليييييييييييييييييييييييييين والله هلا والله حي الله فكي بل الكرسييييييي
الحين بدي اسالك

1_ شو رئيك بل الموضة ؟؟؟

2_ شو رئيك بل الادمان النت ؟؟؟

3_ احكي عن حالك بكلمتين ؟؟؟

4_ شورئيك بافلام زمان ؟؟؟


5_ شو بيعنيلك اخت والام ولاب والوطن والصداقة؟؟؟



6_ بتحبي لوين تسافري ؟؟؟


والحين خلصو بس استنيني باسالة جديدة بتمنا اني ما ازعجتك ..........

اي اهلييين وسهليين برووري
انا رح بلش

شو كانت اول صفه الي خطرت على بالك لما حكيتيني؟؟
انك حبابه ومزوحه وانك رح تكوني الي رفيئة حئيئية وخصوصي انينا بنفس العمر وتنيناتنا عايشين بعيد عن سوريا

هل دخلتي على المنتدى مشان نصوت لقصي خولي فقط
ام للانضمام لاسرتنا الصغيره؟
ههههههههه بالأول فتت لصوت ولانه المنتدى اسمو نجوم سوريا فــ كنتو اكيد رح تساعدوني بس شفتكون كيف صوتولي ووئفتو معي وشفت فيكن الأسرة الصغيرة الطيوبة وحبيت انضم الكن عن حئ وحئيئ ..

معك تلت ورود لمين بتهديهن وليش؟
الأولى لأغلى شخص بحياتي ..أمي طبعا بتستاهلا وبدون اي سبب..بكفي انيها امي ..
التانية لرفيئة عمري يلي ضلت معي 6 سنين ..لانه رفيئة حئيئة من غير سبب ..
والتالته إلك مووون ..لانك غالية عليي كتيييييير..

برأيك شو نائص المنتدى؟
امممم ..ماشالله كامل مكمل مو نائصو غير اهتمام الأعضاء اكتر ومشاركاتن ..

اهليييييييييييييييييييييييييين والله هلا والله حي الله فكي بل الكرسييييييي
الحين بدي اسالك

1_ شو رئيك بل الموضة ؟؟؟

أنا من النوع يلي بيلحئ الموضة بشكل كبير ..وبتهمني كتير


2_ شو رئيك بل الادمان النت ؟؟؟

ههههههههه..بصراحة اكيد شي مو منيح ومو صحي ..
بس مشي حالي وأدمنت عليه من زمان ..جربت حالي ب3 ايام ئدرت عيش بلاه ..بس أكتر من اسبوع مابظن هههه..

احكي عن حالك بكلمتين ؟؟؟

روري من الشام ..15 سنه ..صرت صف عاشر ..رايئة بس بنفعل بسرعة ..بتهمني آراء الناس كتير ..بتأثر بشكل كبير سواء مشهد من مسلسل او شي واقعي.

4_ شورئيك بافلام زمان ؟؟؟

مابحبون ولابحب اتفرج عليهون ..لما بكونو طالعين بئلب وازا حدا عم يتفرج بروح ههههه..حاولت حبون بس بديئ خلئي بسرعة منون.


5_ شو بيعنيلك اخت والام ولاب والوطن والصداقة؟؟؟

طبعا أهم شي بحياتي ..الأم والأب واخواتي أكيد .الوطن لما ببعد عنو بشتئلو كتير ولما بجي لسوريا بحس عنجد بالنعمه انه انا ببلدي صرت ..الصداقة كنز لايفنى ..أحلى شي بالحياة

6_ بتحبي لوين تسافري ؟؟؟

إيطاليا ..تركياااا


والحين خلصو بس استنيني باسالة جديدة بتمنا اني ما ازعجتك ..........

ولو..امتى مابدك تعي وجيبي اسئلتك معك D:

كيف الاوضاع على كرسي الاعتراف
مرتاحة .. متوترة .. معصبة ..


في كل الاحوال منورة كرسي الاعتراف بجلوسك عليه

اليك أسئلتي التي اتمناها ان تكون خفيفة


1 - اكلتك المفضلة ؟
دجاج بالفرن مع البطاطا بس مابعرف اعملا D: ..

2 - العصير الي تفضلينه ؟
عصير البرتقال ..

3 -الفاكهة التي تحبينها ؟
الكرز

4 - اكثر نوع حلويات مفضل لديك ؟
تشيز كيك
5 - ما هي الطبخة التي تحضرينها بنفسك ؟
مابعرف اطبخ لسه ..بس (اندوومي)

هلا اسئلتي اجت من وحي هذه الايام فالكل مشغول باعداد الاطباق

-ماهو حلم طفولتك؟
إني اطلع طبيبة أطفال هههه..

صفات تكرهينها في نفسك؟
بثق بالناس بسرعة كبيرة ..
إدماني ع النت ..لانه هالشي مومنيح وماعم ائدر قاومو..
إني مابئدر انسى اي موقف بدايئني ..

-صفة متواجدة في المجتمع تكرهيها؟
الغدر ..الاستغباء (الضحك ع عقول العالم)

ا معنى هذه الكلمات في نفسك(الصداقة-الحب-الحياة-الموت-الدموع)
الصداقة -الحب أحلى شي بالدنيا وبلاهن مافينا نعيش..
الحياة ..عندي ياها شي مؤقت لانه اكيد مو هيه الأخيرة
لقوله تعالى:((وماهي الحياة الدنيا إلا لعب ولهو))..
فــ الواحد أحسن شي يطنش ويعيش متل مابدو
ومايدايئ ع كل شغله لانه مالا مستاهلة ..الحياة ئصيرة
ولازم نستغلها بشي ممتع ومفيد ..
الموت ..كلنا ع هالطريئ ..في ناس بيعتئدو انه هو راحة من عذاب الدنيا..أنا برأيي انه هو راحة للي عرف يستغل وأتو بالدنيا ..وعذاب للي ضيع وأتو بشي مالو لزوم ..ومابيرضي الله ..آخر شي بؤول الله يحسن خاتمتنا ..
الدموع..مابتصير العيشه بلاها ..سواء كانت ناتجه عن حزن او فراق او خناء او جرح من اي شخص ..برأيي هيه شي مهم بعبر الانسان عن ألمو يلي جواتو .حتى لو ماحدا شافو ..بكفي انه يرتاح ..
-ماهو الشئ الذي تخافين منه ويشغل بالك اكثر من بقيت الاشياء؟
الفراق

اجا دوري اسئلتي
بالمناسبه انا بيحكولي رفئاتي اسئلتي بتجلط
الله يعيني ..

المهم
1_ بدي ياكي تحكيلنا عن موقف خبيتيه عن اهلك
مابتذكر في موقف خبيته عن أهلي ..!
2_موقف محروج انحطيتي فيه

بهالسفرة الجديدة..كنا انا وبنت خالي عم نتمشى .. فـ عطشنا لئينا كشك بدنا نجيب من عندو مي .. عم نفتح التلاجه ماعم تنفتح ..وصراع انا وبنت خالي معها وماكانت تنفتح ..! .. آم مرو شبين زعلو علينا ههههه اجو جربو مافتحت معون ..ام جربو من الطرف التاني فتحت .. المشكله انه الموقف بحسس بالغباااء .. كيف ماخطرلنا نفتحو من الجهة التانية مابعرف .. خجلنا كتير ماسدئنا ايمتى اخدنا هالمي ومشينا .. مابنساه بعمريي ..

واخيرا
3_ شو هي اكتر مره ادايئتي فيها من شب عم يلطشك
بالشارع
مرة كنت راجعه من المدرسة .. تعبانه ونعسااااانه ... بس بدي وصل للبيت .. اجى واحد واعد يبربر فوء راسي .. وانا مالي طايئة اسمع حدا طالعه من المدرسة مطروشة ..آم اندرت عليه التلو لك هششششششششششش ... آم ياحرام حس اني معصبة خاف يصرلو شي ..هرب ..
4_ لو شفتيني صدفه بالشارع وكمان صدفه عرفتي انو انا مون شو بتعملي

أولا كيف بدي اعرفك ! .. تانيا لو فرضنا عرفتك .. أكيد رح اتفاجئ بس رح انبسط وأخيرا التئينا بعد طوووول مدة .. ورح نترك كل مين اجى معنا ..ونروح نتمشى انا وياكي وتعزميني ع فلافل متل ماوعدتيني .. P:

[font=Trebuchet MS]افلامك المفضلة ؟؟
اي عضو بتحسي عنجد بيحب المنتدى وبيخاف علي ؟؟؟
شو عملتي بل العيد ؟؟؟
احلى موقف صار معك حلو بل العيد؟؟؟؟
احكي عن الحب شو رئيك في ؟؟؟؟
شو رئيك بحالة البنات يالي بعملو حلهن ولاد(يعني ضاهرة البوية يالي منتشرة بكل مدارس وبكل الدول))))
يلا خلصو لا سئلة استنيني بمجموعة ثانية ان شاء الله منورة [/font]



بل الاخر هي الفيديو اهداء اللك انتي







وهي لجميع الاعضاء المنتدى






وهي بدي اهديها لصديقتي ورفيقت عمري يالي درسنا مع بعضنا ولعبنا مع بعض وسوينا مقالب مع بعض وطفشنا معلامات منا ياليت الايام تعود يوما ياليت اعرف عنها لو اشي يارب تكون شافت هل الاهداء مني وبتمنا انها تكون بخير يااااااااااااااااااااااااارب






يارب يعجبكم وسامحوني على قصور

انا بدي اسئلك
1.مين اكتر انسان جرحك؟
2.شو اكبر كزبة كزبتيها؟
3.عمرك حبيتي؟
4.عندك اشي مخبياه بقلبك و ما بتقدري تقوليه لي حدى؟

انا سؤالي وينك مو مبينة؟؟؟؟؟؟؟

هل انتي مدمنة على النت ؟؟؟؟؟؟